- കസബ്‌ കുറ്റം സമ്മതിച്ചു. (ഇനി അതിന്റെ കുറവും കൂടിയല്ലേ ഉള്ളൂ)
- ആര്‍ക്കെല്ലാമോ അര്‍ജ്ജുനാ അവാര്‍ഡ്‌, ദ്രോണാചാര്യ അവാര്‍ഡ്‌, ഭീമ അവാര്‍ഡ്‌ , നകുല അവാര്‍ഡ്‌, ....
- എല്ലാ കണ്ണുകളും മാനത്തേക്ക്
- മലമ്പുഴയില്‍ മലം ഒഴുക്കാന്‍, ഖും ഖും ക്ഷമിക്കണം, മണല്‍ എടുക്കാന്‍ നാല് കമ്പനികള്‍
- ഇന്ത്യ യും അമേരികയും കരാര്‍ ഒപ്പിട്ടു
ആദ്യം പറഞ്ഞ വാര്‍ത്തകളില്‍ ആദ്യത്തെ നാലും പോട്ടെ (സൂര്യ ഗ്രഹണം നാളെ അതിരാവിലെ എന്നുള്ളത് മാറ്റി വൈകുന്നേരം 5 മണിക്ക് ആക്കാന്‍ കഴിഞ്ഞിരുനെന്കില്‍...), ആ അവസാനത്തെ വാര്ത്ത , അഞ്ചില്‍ ഒരാള്‍ അര്‍ജുനന്‍ എന്ന് പറഞ്ഞതു പോലെ എന്റെ ചങ്കില്‍ തറച്ചു നിന്നു.
കാരണം, സംഭവത്തില്‍ കാണുന്ന 'ഇന്ത്യ'യും 'അമേരിക'യും എനിക്ക് ജീവനാണ്. ഈ പറയുന്ന കരാര്‍ ഒപ്പിടല്‍ ഞാന്‍ തത്സമയം ആയി ടിവിയില്‍ കാണുകയും ചെയ്തതാ. അപ്പോള്‍ പിന്നെ ഈ വാര്ത്ത കണ്ണില്‍ പെടാതിരിക്കുമോ. കരടു പെട്ടത് പോലെ ആയിപ്പോയി പെട്ടെന്ന് എന്ന് മാത്രമെ ഉള്ളൂ. കാരണം, പണ്ടു ഇന്ത്യ അമേരികയുമായി ആണവ കരാര്‍ ഒപ്പിട്ടപ്പോള്‍ ഉള്ള പോലെ സ്വന്തം "സ്വാതന്ത്ര്യം പണയം വെച്ചു" എന്ന് തോന്നിപിക്കുന്ന വിധത്തില്‍ ആണ് മാതൃഭൂമി സംഭവം പരാമര്‍ശിച്ചിട്ടുള്ളത്.
അന്ന് ഈ ബ്ലോഗ് ഇല്ലാത്തതിനാല്‍, അന്ന് പറയേണ്ടിയിരുന്നത് ഞാന്‍ ഇന്നു പറയുകയാണ്‌.
ഇന്ത്യ അബ്ദുല്‍കലാം പറയുന്നതുപോലെ 2020 ആവുമ്പോഴേക്കും ഒരു ലോകശക്തി ആയി മാറണം എന്നുണ്ടെങ്കില്‍, ട്രെയിനും ബസും കാറും ഓടാനും, കമ്പ്യൂട്ടറും മൊബൈലും ടിവിയും ഒക്കെ പ്രവര്‍ത്തിക്കാനും, എനര്‍ജി അഥവാ ഊര്‍ജം വേണം. ഈ ഊര്‍ജം ഉണ്ടാക്കാന്‍, നമ്മള്‍ ഇപ്പോളും ഉപയോഗിക്കുന്ന വെള്ളവും കല്‍ക്കരിയും ഒക്കെയാണ് ഉപയോഗിക്കുന്നതെങ്കില്‍
E = 1/2 m v 2
എന്ന തോതില്‍ മാത്രമാണ് ലഭിക്കുക. (അല്ല സയന്സ് പടിക്കുന്നതല്ല, പടിപ്പിക്കുന്നതുമല്ല, വെറുതെ ഒരു കൌതുകത്തിന് എഴുതിയതാ)
പക്ഷെ അമേരികായും മറ്റു വികസിത രാഷ്ട്രങ്ങളും ഉപയോഗിക്കുന്ന ആണവോര്‍ജം നമുക്കുപയോങിക്കാന്‍ കഴിഞ്ഞാല്‍
E = m c 2
എന്ന തോതില്‍ അതിന്റെ എത്രയോ മടങ്ങ് ഊര്‍ജം നമുക്കുണ്ടാക്കാം.
(ഐന്‍സ്റ്റീന്‍ ഇത്ര കഷ്ടപ്പെട്ട് ഇതു കണ്ടുപിടിച്ചത് പിന്നെന്തിനാണ്?)
പക്ഷെ, നമ്മള്‍ പാവം ഇന്ത്യാക്കാര്‍ക്ക് ഈ നയൂട്രോനിനെ പിടിച്ചു കറന്റ് ആക്കാന്‍ യുറേനിയം എവിടുന്നു കിട്ടാനാ?
ഇനി അഥവാ ഉള്ള നക്കാപിച്ച നുള്ളി പെറുക്കി വല്ലവന്റെയും കയ്യില്‍ നിന്നും വാങ്ങാം എന്ന് വിചാരിച്ചാല്‍, സംഭവം ആരാ നമുക്കു വില്‍ക്കുക? (18 വയസിനു താഴെയുള്ളവര്‍ക്ക് പുകയില ഉത്പന്നങ്ങള്‍ വില്‍ക്കുന്നത് ശിക്ഷാര്‍ഹമാണ്)
ഇനി ഇപ്പം അഥവാ എവിടെ നിന്നെങ്കിലും യുറേനിയം സംഖടിപിച്ചാല്‍ തന്നെ കുരങ്ങന്റെ കയ്യില്‍ പൂമാല കിട്ടിയിട്ടെന്താ കാര്യം?
അതുകൊണ്ടാ വിവരമുള്ളവര്‍ (ഉദാഹരണം : മന്‍മോഹന്‍ സിംഗും ബുഷും പിന്നെ ഞാനും)ആണവ കരാര്‍ ഒപ്പിടാന്‍ ഇങ്ങനെ വിളിച്ചു പറഞ്ഞു കൊണ്ടിരിക്കുന്നത്.
പക്ഷെ ഇപ്പം നോക്കിയാലും ചിലര്‍ക്കൊരു പ്രശ്നമുണ്ട്.
കരാര്‍ ഒപ്പിടുമ്പോള്‍ അമേരിക ചില നിബന്ധനകള്‍ മുന്നോട്ടു വെക്കും. എന്ത് നിബന്ധന വെച്ചാലും അത് ഇന്ത്യയുടെ സര്‍വാധികാരത്തിനും സ്വാതന്ത്ര്യത്തിനും കോട്ടം തട്ടുന്നതാണ് എന്നെ ഇവര്ക്ക് പറയാന്‍ ഉണ്ടാവൂ. പിന്നെ ഇവര്‍ എന്താണ് ഉദ്ദേശിക്കുന്നത്? ഒരു നിബന്ധനയുമില്ലാതെ കരാര്‍ ഒപ്പിടണോ?അതോ ഇങ്ങോട്ട് സാധനം തരുന്നവര്‍ നമ്മള്‍ അങ്ങോട്ട് പറയുന്നതു പോലെ കേള്‍ക്കണമോ?
ഇതെന്താ വെള്ളരിക്കാ പട്ടണമോ
ഒന്നുക്കില്‍ മര്യാദയ്ക്ക് കിട്ടുന്നതും കൊണ്ടു നന്നാവാന്‍ നോക്ക്. അല്ലെങ്കില്‍ വായും പൊളിച്ചു കയ്യും പൊന്തിച്ചു അവിടെ നിന്നോ.
2020 ആകുമ്പോഴേക്കും ഇന്ത്യ ട്വന്റി ട്വന്റി മാത്രം അറിയുന്ന രാജ്യം ആയി മാറും.
ഐ.പി.എല്ലിനെ ഒഴിവാക്കിയതില്‍ ഞാന്‍ പ്രതിഷേധിക്കുന്നു.
ReplyDeleteഅല്ലെങ്കില്‍ നമുക്കെല്ലാം എന്ത് സ്വാതന്ത്ര്യമാണ് !
സ്വന്തം വീട്ടിലെ സാധനങ്ങള്‍ ഇറക്കണമെങ്കില്‍ പോലും നോക്ക് കൂലി വല്ലവനും കൊടുക്കണം!
ഇത് ഈ പറയപ്പെടുന്ന സ്വാതന്ത്ര്യമില്ലതപ്പോള്‍ ഉണ്ടായിരുന്നോ പോലും ? അര്യില്ലത്തതുകൊണ്ട് ചോദിച്ചതാണേ......
അതുകൊണ്ട് നാം സ്വാതന്ത്ര്യം പണയം വെക്കരുത്!