ആക്കിയപ്പോള്‍ ആദ്യം കണ്ടത് ഏഷ്യാനെറ്റിലെ നമ്മള്‍ തമ്മില്‍ പരിപാടിയാണ്. (അതെ റീ-ടെലികാസ്റ്റ്‌ ആണ് , അല്ലാതെ ഞാന്‍ ഗള്‍ഫില്‍ ഒന്നും അല്ല). വിഷയം - ജ്യോതിഷം.
രണ്ടോ മൂന്നോ ജ്യോത്സന്മാരും, ഒരു വക്കീലും, ഒരു ഡോക്ടറും, ഒരു യുക്തിവാദിയും, പിന്നെ വേറെ ഏതോ ഒരാളും അതിഥികള്‍. ശ്രീ ശ്രീകണ്‍ഠന്‍ നായര്‍ (അദ്ദേഹം ഉണ്ടെന്നത് പിന്നെ പറയണ്ടല്ലോ). പിന്നെ കുറെ സ്ത്രീകളും, (പുരുഷന്മാര്‍ ഉണ്ടായിരുന്നോ എന്ന് ഓര്‍ക്കുന്നില്ല, എന്തായാലും ആരും സംസാരിച്ചതായി കണ്ടില്ല.)
അങ്ങനെ അടി തുടങ്ങി.(അതായത് ഞാന്‍ കാണാന്‍ തുടങ്ങിയപ്പോള്‍ അടിയായിരുന്നു)
കാണികളില്‍ ഒരാള്‍ ചോദിക്കുന്നു : ഒരു ജ്യോത്സന്‍ ഈ കല്യാണം നടക്കില്ല എന്ന് പറഞ്ഞതു കൊണ്ടു കല്യാണം നടക്കാതെ പോയ എത്രയോ കുട്ടികളെ നമ്മള്‍ കാണുന്നു. എന്നാല്‍ അതെ സമയം ഒരു ജ്യോത്സനെയും കാണാതെ പ്രേമിച്ചു കല്യാണം കഴിച്ചവര്‍ സുഖമായി ജീവിക്കുകയും ചെയ്യുന്നു.
(ശ്രദ്ധിക്കുക: ഇനി മുതല്‍ എന്റെ ഭാവനയില്‍ ഉള്ള സംവാദം ആണ്)
ജ്യോത്സന്‍ (അതായത് ഞാന്‍) : ആ സുഖമായി ജീവിക്കുന്നു എന്ന് പറയുന്നവരുടെ ജാതകം ചേരുന്ന ജാതകം ആയിരിക്കാം.
കാണി: അങ്ങനെയെങ്കില്‍ ലോകത്ത് എത്രയോ മുസ്ലിംങ്ങള്‍, ക്രിസ്ത്യാനികള്‍, അവര്‍ക്കൊന്നും ജ്യോതിഷം ആവശ്യമില്ലല്ലോ?
ജ്യോ: അവര്‍ ജ്യോതിഷം ഉപയോഗിക്കുന്നുണ്ടോ ഇല്ലയോ എന്ന് നമ്മള്‍ നോക്കേണ്ട ആവശ്യമില്ലല്ലോ. അവരുടെയും ജാതകം എഴുതിയാല്‍ ഒത്തു നോക്കാവുന്നത്തെ ഉള്ളു.
യുക്തിവാദി: ജ്യോത്സന്‍ ചേരാത്ത ജാതകം എന്ന് പറഞ്ഞിട്ടും സുഖമായ ജീവിക്കുന്നവര്‍ ഉണ്ടല്ലോ?
ജ്യോ: ചിലപ്പോള്‍ ജ്യോത്സനു തെറ്റിയതാവാം, പക്ഷെ ജ്യോതിഷം തെറ്റില്ല....
അങ്ങനെ പോകുന്നു. പക്ഷെ ഇവിടെ ചോദിക്കാതെ പോയ ഒരു ചോദ്യം ഉണ്ട്.
ജ്യോതിഷത്തിന്റെ അടിത്തറ എന്താണ് ?
ഏത് ശാസ്ത്രത്തില്‍ ആണ് ജ്യോത്സന്മാര്‍ വിശ്വസിക്കുന്നത്?
ആധുനികമായ ഒരു ശാസ്ത്ര പ്രകാരവും അവര്ക്കു ജ്യോതിഷം തെളിയിക്കാന്‍ പറ്റില്ല (പിന്നെ ചിലര്‍ ഗ്രഹങ്ങളുടെയും നക്ഷത്രങ്ങളുടെയും പ്രഭാവം മൂലം ഉണ്ടാകുന്ന മാറ്റങ്ങള്‍ കാരണം കാക്ക മലന്നു പറക്കും കോഴിക്കു കൊമ്പ് മുളയ്ക്കും എന്നൊക്കെ പറയും, അതിന് എന്റെ മനസ്സില്‍ സ്ഥാനമില്ലല്ലോ)
പിന്നെ ആകെ പറയാന്‍ പറ്റുന്നത്, ഒരു വിശ്വാസം എന്നാണു. (ദൈവത്തിന്റെ പ്രത്യേക അനുഗ്രഹവും, ഏകാഗ്ര മനസും, 'ശാസ്ത്ര'വും ഒരുമിച്ചു കൂട്ടി ജ്യോത്സന്മാര്‍ പറയുന്നതു അപ്പടി വിഴുങ്ങുക). അതും, അങ്ങോട്ട് ഇറങ്ങുന്നില്ല അല്ലെ?
ഇവിടെയാണ്‌ ഞാന്‍ എന്റെ തുരുപ്പ് ചീട്ടു ഇറക്കുന്നത്‌.
കല്ലില്ലോ, തൂണിലോ, ആകാശത്തോ, ഇവിടെയോന്നുമല്ല മനസിലാക്കാന്‍ പറ്റാത്ത ഒരിടതോ, എവിടെയെങ്കിലും ഒരു ദൈവം ഉണ്ടെന്നും, ആ ദൈവം മനുഷ്യന്റെ ഭാഗ്യ നിര്‍ഭാഗ്യങ്ങള്‍ തീരുമാനിക്കുന്നു എന്നും വിശ്വസിക്കുന്നവര്‍ക്ക്, എന്തുകൊണ്ട് നിമിത്തങ്ങള്‍ കവടി തുടങ്ങിയവയെ വിശ്വസിച്ചുകൂടാ?
അതായത്, നിങ്ങള്ക്ക് ദൈവത്തെ വിശ്വസിക്കാം എങ്കില്‍ എന്തുകൊണ്ട് നിങ്ങള്ക്ക് ജ്യോതിഷത്തില്‍ വിശ്വസിച്ചു കൂടാ?
ഇനി അഥവാ നിങ്ങള്‍ ജ്യോതിഷത്തില്‍ വിശ്വസിക്കുന്നില്ല ഇനി വിശ്വസിക്കാന്‍ കൂട്ടാക്കുന്നുമില്ല എന്നാണെങ്കില്‍, നിങ്ങള്‍ ദൈവത്തില്‍ എന്ത് കൊണ്ടു വിശ്വസിക്കുന്നു.
------------------------------
ജ്യോത്സന്മാര്‍ പറയുന്നതു ജ്യോതിഷം ഒരു ശാസ്ത്രം ആണെന്നും, അത് പഠിച്ചാല്‍ മാത്രമെ മനസിലാവൂ എന്നും.
മതവിശ്വാസികള്‍ പറയുന്നതു ദൈവം ഒരു സംഭവം ആണെന്നും, അത് മനസിലാക്കിയാല്‍ മാത്രമെ മനസിലാവൂ എന്നും.
എന്താ ഞാന്‍ പറയുന്നതു സരിയല്ലേ?
അക്ഷയ്‌,
ReplyDeleteഈശ്വരവിശ്വാസം പോലെ ആയിക്കൊള്ളണമെന്നില്ല ജാതകവിശ്വാസം.
ഈശ്വരവിശ്വാസം എന്നത്‌ ഭൂരിപക്ഷത്തിനും ഒരു അത്താണിയാണ്‌. താൻ വിശ്വസിക്കുന്ന ദൈവം തന്നെ കൈവെടിയില്ലെന്നും ആപൽഘട്ടങ്ങളിൽ തന്നെ സഹായിക്കുമെന്നും വിശ്വസിക്കുന്നു ഒരു സാധാരണ വിശ്വാസി.
ജാതകവും മറ്റും അത്തരത്തിലുള്ള ഒന്നാണെന്ന് എനിക്ക്‌ തോന്നിയിട്ടില്ല. ഞാൻ ഒരു കാര്യം ചെയ്യുന്നതിനു മുൻപ്‌ അതിന്റെ ഫലം എന്തായിരിക്കും എന്ന് അറിയാനുള്ള ഒരു വെൻപലിലാണ്‌ പലരും ജാതകം അല്ലെങ്കിൽ വാരഫലം (ദിവസഫലവും ആവാം) നോക്കുന്നത്‌. അതിലെങ്ങാനും തടസങ്ങൾ കാണുന്നുണ്ടെങ്കിൽ സാദാ ഒരു മനുഷ്യൻ പറയുന്ന പരിഹാരകർമ്മങ്ങളും ചെയ്യാൻ ഇക്കൂട്ടർ സന്നദ്ധരായിരിക്കും.
എല്ലാം ശരിയാവും (അല്ലെങ്കിൽ ദൈവം ശരിയാക്കും) എന്നു വിശ്വസിക്കുന്നതും തടസം ഉണ്ടോ എന്ന് ഗണിച്ചുനോക്കി സ്വന്തം മനസമാധാനം കളയുന്നതും ആയ രണ്ടറ്റത്തുള്ള കാര്യങ്ങളിലാണ്‌ ഇവിടെ വ്യത്യാസം വരുന്നത്‌.
ഞാൻ ഒരു ഈശ്വരവിശ്വാസി അല്ല, ജാതകത്തിൽ തീരെ വിശ്വാസം ഇല്ല (എന്റെ ജാതകം എഴുതിയിട്ടുമില്ല). പക്ഷെ ഒരാൾ ജാതകം എഴുതിച്ചു എന്നതിൽ ഒരു പ്രശ്നം ഞാൻ കാണുന്നില്ല, അതിലെ ദോഷങ്ങൾ മാറ്റാൻ സ്വപ്രയത്നം ചെയ്യാതെ മറ്റുകാര്യങ്ങളിൽ തന്റെ സമയവും ധനവും സമാധാനവും അയാൾ കളയുന്നില്ലെങ്കിൽ. (അല്ലെങ്കിൽ രാജയോഗമുണ്ടെന്ന വിശ്വാസത്തിൽ കുഴിമടിയനായി ജീവിക്കുന്നില്ലെങ്കിൽ)
തന്നെ .... തന്നെ...
ReplyDelete